Manje Buga Hkalup Hpung a Lungseng Udang dingshawn poi hte Chyum laika sharin hpawng hpe shangut la lu

Manje Buga Hkalup Hpung a Lungseng Udang dingshawng akyu hpyi hpawng hpe jahpawt hkying 9:00am aten, lai sumpan hpe shawng rep di nna nawku hpawng hpe matut manoi galaw ai hta shani hkying 11:30am aten kaw akyu hpyi chyeju shakawn lamang hpe galaw la ngut sai lam chye lu ai.

February shata praw 1 ya shani hta gaw, KBC Amu Madu Rev. Hpauyawng Tu Mai kaw nna, 2019 ning KBC a lashum ga rai nga ai “Hkalup Makam Hte Nawku Hpung Hta Sadi Dung Let Kaba Rawt Wa Ga” ngu ai ga baw hte Chyum laika hpe sharin ya ai. Shana daw hkying 1:00pm aten hta gaw KBC Ningbaw hte Amu Madu yan hpe Manje buga hpung lawk ni magut shat lit gun jaw ai lam galaw ai re.

Manje buga hpung a Lungseng Udang galaw la lu ai lam a yaw shada lam hpe Manje Buga Hpung Amu Madu mung rai, Lungseng Udang galaw gawdap mung rai Rev. Hpakawn Naw Seng kaw nna ya na zawn tsun ai.

“Anhte Manmaw ga sinpraw hkran maga Lungseng ngu mung nnga re gaw hpa mi raitim mung ndai gaw, anhte Hkristan ni a matu grai ahkyak ai Madu Yesu Hkristu anhte hpe hkye la ai kumla mung rai, Lungseng ngu ai hpe grai manu shadan ai hku nna Chyoipra ai kyu hpyi bum ntsa kaw lu shadun lu na matu, Hpung masha ni yawng hkyiba lit li ai ni yawng hkra kyu hpyi n-gun a wai la, da hpran la lu na matu yaw shada ai re”

Lungseng Udang dingshawn akyu hpyi hpawng hta Hkristan Hpung masha yawng marai hkying 2,000 jan hta gaga Buddha makam masham ni mung sa du shang lawm ai lam chye lu ai.