Manje ninghtawn, Jinghpaw laili laika hte Htunghkring hpung komiti ni woi awn nna, gawgap la lu sai gawknu dingshawn hte shingteng amying jaw ai akyu hpyi hpawng galaw

Manje ninghtawn, jinghpaw laili laika hte Htunghkring hpung komiti ni woi awn ai hte gawgap komiti ni kaw nna gawgap la lu ai gawknu dingshawn hte shingteng amying jaw ai akyu hpyi hpawng hpe Manje ninghtawn laili laika hte Htunghkring hpung gawknu kaw December shata 26 ya jahpawt hkying 8:00am aten hta galaw ai lam chye lu ai.

Gawknu a shingteng amying hpe “Manje ninghtawn laili laika hte Htunghkring hpung gawknu ngu nna” jaw da ai lam chye lu ai.

Yaw shada ai lam gaw anhte Manje ninghtawn ni gawknu kaba lu jang she ndai shara kaw Manje kata na Htunghkring hte seng ai bawngban ra ai lam ni, bai jahkum jahkrup la ra ai lam ni, ramma hpawng ni hte Htunghkring hte seng ai magam bungli mahkra hpe gawknu kaba kaw galaw la lu u ga matu ngu yaw shada ai re nga nna hpawng hta sa du shang lawm ai Manje ninghtawn na Salang langai tsun dan ai.

Hpawng hta Manje ninghtawn kata na ni htep ai grup yin kahtawng ni hte lawk salang ni, hpung kanu kawa ni yawng marai  150 jan sa du shang lawm ai lam chye lu ai.