Manmaw ginra gasat gala majan laja lana matut byin nga

KIA Masat (3) Dap Ba, Manmaw ginra hta KIA hte gumshem Myen hpyen dap ni gasat gala majan laja lana matut byin nga ai lam chye lu ai.

December shata praw 4 ya shani kaw nna 10 ya shani du hkra Manmaw, Nmawk ginra ni hta KIA pawng hpawm hpyen hpung ni hte gumshem Myen hpyen dap ni shani shagu gasat gala majan laja lana matut byin nga ai lam, shawnglam lit nga ai salang langai tsun ai.

Gasat gala majan byin nga ai hta gumshem Myen hpyen dap kawn, nbungli laknak kaba drone ni hte laja lana gap gasat nga ai majaw, mungshawa ni hkala si hkrum nga ai rai nna, dum nta ni mung hten za hkrum nga ai lam chye lu ai.

Gasat gala majan matut manoi byin nga ai majaw, dai ginra na mungshawa ni hpyen koi yen hkawm nga ai rai nna, KIA hte gumshem Myen hpyen dap lahkawng maga hpyen masa matut shaja hkat nga ding yang re hpe chye lu ai.