Manmaw ginra gasat gala majan laja nga

KIA Masat (3) Dap Ba, Manmaw ginra hta KIA hte gumshem Myen hpyen dap ni gasat gala majan laja lana matut byin nga ai lam chye lu ai.

December shata praw 4 ya jahpawt kaw nna Manmaw, Nmawk ginra ni hta KIA pawng hpawm hpyen hpung ni hte gumshem Myen hpyen dap ni gasat gala majan laja lana matut byin nga ai lam, lit nga ai salang ni kaw na chye lu ai.

Gasat gala majan byin nga ai hta gumshem Myen hpyen dap kawn, nbungli bawm laknak kaba ni hte hkrup mara gap gasat nga ai majaw, mungshawa nkau asak si sum hkala hkrum nga ai rai nna, dum nta ni mung hten za hkrum nga ai lam chye lu ai.

Matut nna gasat gala majan byin nga ai hta hpyen koi yen ai mungshawa ni hpe gumshem Myen hpyen dap kawn, hkan pat shingdang ai lam ni galaw nga ai majaw, mungshawa law malawng chyat rawng nga ai hpe mung sagawn chye lu ai.