Manmaw ginra gasat gala majan matut byin nga

KIA Masat (3) Dap Ba, Manmaw ginra hta gasat gala majan matut byin nga ai lam chye lu ai.

Manmaw Dakkasu jawng, Nam Hpa, Ta Mai Lung maga de gumshem Myen hpyen dap ni laknak kaba hte gap gasat nna, lagaw lam hku nna mung htu shadut nga ai majaw, KIA pawng hpawm hpyen hpung ni hte shani shagu ngu na gasat gala majan matut byin nga ai lam, shawnglam lit nga ai salang ni kaw na chye lu ai.

Hk.L.Y (47) hte 3 Mile maga de mung shani shagu ngu na gasat gala majan byin nga ai hta dap shara matut zing la lu ai lam nnga ai raitim, lahkawng maga hpyen masa shaja hkat nga ding yang re ai lam chye lu ai.

Gumshem Myen hpyen dap ni gaw, Manmaw ginra ma hkra hpe bai lu la matu nbungli, drone, laknak kaba ni hte ding yang ngu na gap gasat nga ai rai nna, KIA pawng hpawm hpyen hpung ni mung ninghkap, htim gasat nga ding yang re ai lam chye lu ai.