Manmaw ginra gasat mala majan matut manoi laja nga

Manmaw ginra hta KIA hte gumshem Myen hpyen dap lapran, gasat gala majan matut manoi naw laja nga ai lam chye lu ai.

January shata 27 ya shani du hkra Manmaw ginra hta KIA pawng hpawm hpyen hpung ni hte gumshem Myen hpyen dap ni gasat gala majan laja lana matut manoi naw byin nga ai lam, lit nga ai salang ni tsun ai.

Gasat gala majan byin nga ai hta gumshem Myen hpyen dap gaw Manmaw ginra nhkrat sum hkra, nbungli drone ni hpe madung dat let ninghkap gasat nga ding yang re hpe chye lu ai.

Manmaw ginra hta gasat gala majan byin ai shata (2) du wa sai hta gumshem Myen hpyen dap shara law malawng hpe KIA pawng hpawm hpyen hpung ni gasat zing la lu sai rai nna, naw ngam nga ai shara nkau hpe matut naw htim gasat nga ai lam chye lu ai.