Manmaw ginra Myen hpyen dap ni nbungli hte gap gasat ai majaw, mungshawa si hkala hkrum

Manmaw ginra hta gumshem Myen hpyen dap ni nbungli hte wa gap gasat ai majaw, mungshawa si hkala hkrum ai lam chye lu ai.

May shata praw 8 ya shana maga hkying 5:00pm aten daram hta Manmaw, Nyawng Pin lawk hpungkyi jawng kaw gumshem Myen hpyen dap ni nbungli hte wa gap gasat ai majaw, hpyen yen mungshawa marai 15 asak si sum nna, marai 30 daram hkala hkrum ai lam, ginra masha ni kaw na chye lu ai.

Ndai hpung kyi jawng shara kaw gaw gasat gala majan byin ai lam nnga ai, hpyen yen mungshawa ni sha nga ai shara kaw gumshem Myen hpyen dap ni ya na zawn wa gap gasat ai majaw, mungshawa ni si hkala hkrum ai re lam chye lu ai.

Manmaw ginra hta May shata praw 9 ya shani du hkra, KIA pawng hpawm hpyen hpung ni hte gumshem Myen hpyen dap ni gasat gala majan laja lana matut byin nga ai lam chye lu ai.