Manmaw ginra Myen hpyen dap ni nbungli hte wa gap gasat

Manmaw ginra gumshem Myen hpyen dap ni nbungli hte wa gap gasat ai lam chye lu ai.

March shata 30 ya shani ka-ang aten daram hta Manmaw ginra KIA pawng hpawm hpyen hpung ni hte gumshem Myen hpyen dap ni gasat gala majan nbyin ai raitim, gumshem Myen hpyen dap ni nbungli, rocket ni hte wa gap gasat ai lam, shawnglam lit nga ai salang ni kaw na chye lu ai.

Gumshem Myen hpyen dap ni gaw Manmaw ginra nhkrat sum hkra nbungli, drone ni hpe madung jai lang let, gap gasat nga ding yang re ai hpe chye lu ai.

Manmaw ginra KIA pawng hpawm hpyen hpung ni hte gumshem Myen hpyen dap ni gasat gala majan byin ai shata (3) jan sai raitim, ya aten du hkra lahkawng maga hpyen masa shaja hkat nga ding yang rai nna, gasat gala majan mung matut byin nga ai lam chye lu ai.