Manmaw hte Indaw ginra gasat gala majan matut byin nga
Manmaw hte Indaw ginra hta KIA hte gumshem Myen hpyen dap ni gasat gala majan matut byin nga ai lam chye lu ai.
January shata 29 ya shani du hkra, Manmaw hte Indaw ginra ni hta KIA pawng hpawm hpyen hpung ni hte gumshem Myen hpyen dap ni gasat gala majan laja lana matut byin nga ai lam, lit nga ai salang ni tsun ai.
Gasat gala majan laja nga ai hta gumshem Myen hpyen dap gaw, nbungli drone ni hpe madung dat let shanhte a dap shara nhkrat sum na matu, ninghkap gasat nga ding yang re hpe chye lu ai.
January shata 29 ya jahpawt hkying 8:00am aten daram kaw nna, gumshem Myen hpyen Hk.L.Y (381, 382) dap na n-gun (50) daram, Namti hka hte Mugawng hka mazup mayan hta hpyen shamu shamawt ai lam ni galaw nga ai hpe mung chye lu ai.
Ndai zawn hpyen shamu shamawt nga ai hta laiwa laisa mungshawa ni a n-gu hte mam ni hpe yi de nhtaw shalai na matu, mare de bai htaw nhtang shangun ai lam, KIA hpyen dap, post gade ram naw tsan ai, hpyen n-gun gade ram nga ai lam, laiwa laisa mungshawa ni hpe san jep nga ai lam chye lu ai.
