Manmaw majan laja nga ai hta gumshem Myen hpyen dap ni Laiza de drone bawm wa jahkrat bun

Manmaw ginra gasat gala majan laja nga ai hta gumshem Myen hpyen dap ni Laiza de drone bawm wa jahkrat bun ai lam chye lu ai.

January shata 23 ya kaw nna, Manmaw ginra hta KIA pawng hpawm hpyen hpung ni hte gumshem Myen hpyen dap ni gasat gala majan, numdaw kalang bai byin wa ai hta January 24 ya shana daw hkying 2:30pm aten daram hta gumshem Myen hpyen dap ni Laiza de drone bawm wa jahkrat bun ai lam, ginra masha ni tsun ai.

Gasat gala majan laja lana matut byin nga ai Manmaw ginra hta gumshem Myen hpyen dap shara nkau hpe KIA pawng hpawm hpyen hpung ni matut htim gasat zing la lu ai rai nna, ya aten du hkra lahkawng maga hpyen masa shaja hkrat nga ai lam chye lu ai.