Manmaw majan matut laja nga

Manmaw ginra hta KIA hte gumshem Myen hpyen dap ni gasat gala majan matut manoi laja nga ai lam chye lu ai.

February shata 11 ya shani du hkra, Manmaw ginra kata KIA pawng hpawm hpyen hpung ni hte gumshem Myen hpyen dap ni gasat gala majan laja lana matut manoi naw byin nga ai lam, shawnglam lit nga ai salang ni tsun ai.

Gumshem Myen hpyen dap gaw nbungli, rocket, drone ni hte gap gasat nga ding yang rai nna, KIA pawng hpawm hpyen hpung ni mung htim gasat nga ding yang re ai majaw, gasat gala majan matut naw laja nga ai lam chye lu ai.

Manmaw ginra gasat gala majan byin ai shata lahkawng jan na wa sai hta gumshem Myen hpyen dap shara law malawng hpe KIA pawng hpawm hpyen hpung ni htim gasat zing la lu sai rai nna, ngam nga ai dap shara nkau hpe matut naw htim gasat nga ai lam chye lu ai.