Manmaw majan matut laja nga

Manmaw ginra hta gasat gala majan matut manoi naw laja nga ai lam chye lu ai.

March shata praw 2 ya shani du hkra, Manmaw ginra hta KIA pawng hpawm hpyen hpung ni hte gumshem Myen hpyen dap ni gasat gala majan laja lana matut manoi naw byin nga ai lam, shawnglam lit nga ai salang ni tsun ai.

Gasat gala majan laja nga ai Manmaw ginra hta gumshem Myen hpyen dap shara law malawng hpe KIA pawng hpawm hpyen hpung ni htim gasat zing la lu sai raitim, naw ngam nga ai Ts.K.Hk (21) hte dap shara nkau hpe matut naw htim gasat nga ding yang re.

Shata masum du wa sai Manmaw majan hta gumshem Myen hpyen dap gaw Manmaw ginra nhkrat sum hkra, nbungli drone laknak kaji kaba hpan hkung hte ninghkap gasat nga ding yang re ai hpe chye lu ai.