Manmaw majan matut naw laja nga

KIA Masat (3) Dap Ba, Manmaw ginra hta gasat gala majan matut manoi naw laja nga ai lam chye lu ai.

February shata 16 ya shani hta mung, Manmaw ginra hta KIA pawng hpawm hpyen hpung ni hte gumshem Myen hpyen dap ni gasat gala majan grai naw laja nga ai lam, shawnglam lit nga ai salang ni tsun ai.

Majan laja nga ai hta gumshem Myen hpyen dap gaw, Manmaw ginra ntat sum na matu, nbungli drone bawm ni hte shani shagu gap gasat nga ding yang rai nna, KIA pawng hpawm hpyen hpung ni mung matut htim gasat nga ai majaw, gasat gala majan matut naw laja nga ai lam chye lu ai.

Matut nna Manmaw ginra hta gumshem Myen hpyen dap gaw, nbungli hte malu masha wa jahkrat ai lam, hpyen n-gun wa jat bang ai lam ni shani shagu ngu na galaw nga ai re hpe mung chye lu ai.