Manmaw, Man Je myu mare ni hta malu masha hte jak sau, mi na hta grau yakhkak wa

Manmaw, Man Je hte Nmawk mare kata ni hta November shata htum wa maga kaw na malu masha hte modo, cycle jak sau ni, mi na hta grau yakhkak wa nga ai re lam chye lu ai.

Mandalay, Myitkyina hte Myitkyina Manmaw lam kaba pat tawn da ai hta Manmaw, Man Je hte Nmawk myu mare kata nga ai mungshawa ni malu masha hte modo, cycle jak sau ni nshang mat ai majaw, mi na hta grau yakhkak wa nga ai re lam, ginra masha langai tsun ai.

“Cycle sau gaw hka san one liter nre ai dai hta lau kaji ai kaw pi bai shakip kau ai bu langai mi 6500 kyats re, malu masha gaw manga tsa nga nam lap mahtan pi nnga mat ai ram rai mat sai, u di hkying mi na masum lu ai, u di kaba ai hpan rai yang hkying hkawng na 5 re, sha sau bu langai mi lai sai ten gaw 6500 re ya gaw 12000 rai mat sai” nga nna tsun ai.

Modo, cycle sau ni hpe gaw Nba Pa mare kaw na sau seng ni hkan wa la mai ai raitim, cycle hte sau wa htaw ai ni hpe hpaga hpung Ta Zu nga ni hkum wa htaw nga bai pat kau ai majaw, nta na cycle kaw bang na sau pi nlu mat ai madang re, nga nna ginra masha matut tsun ai.

Manmaw, Man Je hte Nmawk myu mare kata nga ai mungshawa ni gaw, Mandalay kaw na htaw lung wa ai malu masha hte jak sau ni hpe sha machyu nga ai rai nna, Mandalay lam pat kau ai majaw jak sau hte malu masha ni nshang mat sai majaw, mungshawa ni mi na hta grau yakhkak wa nga ai re lam chye lu ai.