Manmaw, Manje ginra gasat gala majan laja nga
Manmaw, Manje ginra hta KIA hte gumshem Myen hpyen dap ni gasat gala majan laja lana matut byin nga ai lam chye lu ai.
December shata 20 ya shani du hkra Manmaw Dakkasu jawng wang, Deng (3, 5) grup yin hte Manje gumshem Myen hpyen (319, 601, 523) dap ni hta KIA pawng hpawm hpyen hpung ni hte gumshem Myen hpyen dap ni gasat gala majan laja lana matut byin nga ai lam, shawnglam lit nga ai salang ni kaw na chye lu ai.
Manmaw hte Manje ginra hpe KIA pawng hpawm hpyen hpung ni December shata praw 4 ya shani kaw nna, laja lana htim gasat wa ai hta ya aten du hkra gasat gala majan laja lana matut byin nga ai lam chye lu ai.
Gasat gala majan byin nga ai hta gumshem Myen hpyen dap kawn nbungle, drone ni hpe madung dat let gasat nga ai hta KIA pawng hpawm hpyen hpung kaw nna mung, Manmaw Manje ginra lu la hkra laja lana htim gasat nga ai lam chye lu ai.
