Manmaw Myen dap shara lahkawng hpe KIA matut zing
Gasat gala majan matut laja nga ai Manmaw ginra na gumshem Myen hpyen dap shara lahkawng hpe KIA pawng hpawm hpyen hpung ni matut zing la lu ai lam chye lu ai.
February shata 18 ya shani Manmaw ginra na gumshem Myen hpyen Myawk dap (366) hte Hk.L.Y (236) dap hpe KIA pawng hpawm hpyen hpung ni matut zing la lu ai lam, lit nga salang ni kaw na chye lu ai.
Manmaw ginra hta gasat gala majan byin ai shata lahkawng jan sai hta gumshem Myen hpyen dap shara law law hpe KIA pawng hpawm hpyen hpung ni zing la lu sai rai nna, Ts.K.Hk (21) dap de majan matut laja nga ai lam chye lu ai.
Gasat gala majan laja nga ai hta gumshem Myen hpyen dap gaw, nbungli drone ni hte shani shana nhkring nsa gap gasat nga ding yang rai nna, KIA pawng hpawm hpyen hpung ni mung matut htim gasat nga ai majaw majan laja nga ding yang re ai hpe chye lu ai.
