Manmaw, Nyawng Pin Lawk kaw na mung shawa dum nta hpe gumshem Myen hpyen ni bawm kapaw jahten kau ya

Manmaw, Nyawng Pin Lawk kaw na mung shawa dum nta hpe gumshem Myen hpyen ni October shata 18 ya shana hkying 6:00pm aten, daram hta bawm kapaw jahten kau ya ai lam chye lu ai.

Nta masha ni hpe gaw, October shata 17 ya shana hta rim woi mat ai rai nna, October 18 ya shani hta gaw, manu dan ai arung arai ni, mai lang ai arung arai ma hkra hpe gumshem Myen hpyen dap ni modo hte sa htaw la kau ya ai rai nhtawm, nta hpe gaw bawm kapaw jahten kau ya ai lam, buga masha ni tsun ai kaw na chye lu ai.

Ndai nta gaw Salang Dashi La Doi a nta rai nna, nta masha ni hpe mung rim woi mat ai lam na chye lu ai hta, marai gade hpe rim woi mat wa ai lam matut sagawn nga ding yang re hpe chye lu ai.

Ndai mabyin lawng lam hte seng nna, nta masha ni hte salang wa hpe gara de rim woi mat wa ai lam, garai nchye lu shi ai majaw, matut sagawn nga ding yang re hpe chye lu ai.