Manmaw Ts.K.Hk (21) hte dap shara nkau hpe KIA pawng hpawm hpyen hpung ni numdaw kalang bai htim gasat

Manmaw Ts.K.Hk (21) hte dap shara nkau hpe KIA pawng hpawm hpyen hpung ni March shata praw 8 ya jahpawt hkying 5:00am aten daram kaw nna, numdaw kalang bai matut htim gasat nga ai lam chye lu ai.

Manmaw Ts.K.Hk (21), Hk.L.Y (47) hte Dakkasu jawng dap shara ni hpe KIA pawng hpawm hpyen hpung ni aten langai hta numdaw kalang bai htim gasat nga ai rai nna, gumshem Myen hpyen dap ni mung, nbungli drone ni hte gap gasat nga ding yang re ai hpe chye lu ai.

Shata masum jan sai Manmaw majan hta gumshem Myen hpyen dap ni gaw nbungli drone ni hpe n-gun dat let, shani shagu gap gasat nga ding yang re ai hpe chye lu ai.

KIA Masat (2) Dap Ba, Masat (14) Dap Dung ginra hta mung, March shata praw 6 ya shani gumshem Myen hpyen dap ni nbungli hte wa gap gasat ai sha n-ga, gumshem Myen hpyen dap n-pu, Wara zup P.T.Ts ni hpyen shamu shamawt htu shadut wa ai majaw, KIA hte gasat gala majan byin ai lam chye lu ai.