Marang htu kaba sawng nna hka mawru wa ai majaw, mungshawa ni hka hpyen hkum nga
Marang htu kaba sawng nna, hka mawru wa ai majaw, Ginjaw Ginra jarit mayan hkan na mungshawa ni hka hpyen hkrum nga ai lam chye lu ai.
August shata praw 3 ya shana kawn, marang htu kaba sawng nna hka mawru wa ai majaw, Ginjaw Ginra jarit mayan hkan nga ai mare, hpyen yen dabang hkan na mungshawa ni hka hpyen hkrum nga ai lam, ginra mungshawa ni tsun ai.
Hka hpyen a majaw jarit mayan hkan nga ai, mare kahtawng, hpyen yen dabang hkan na lam, mahkrai hkan mung hka tawt lai mat nna mahkrai lam ni pat mat, dum nta, gat seng, jak rung jak rai, du sat yam nga ni, hten za yawng lawm mat ai sha n-ga, wan shadaw ni daw hten mat ai a majaw, mungshawa ni laiwa laisa lam amyu myu hta yakhkak hkrum nga ai re.
Mungshawa ni asak si sum hkala ai lam nga nnga hpe sagawn nga ding yang rai nna, marang naw matut htu nga ai majaw jasan jaseng ai lam ni hpe rai nlu galaw shi ai hpe chye lu ai.
Laiwa sai 10 ning jan aten ladaw ni hta ya na zawn hka mawru wa ai lam nnga ai raitim, ndai lang na hka mawru a majaw jarit mayan hkan nga ai mungshawa ni galaw lu galaw sha, laiwa laisa lam amyu myu hta yakhkak hkrum nga ai re.
