Masat (1) Dap Nawng Daju ginra hta sinat kaba matut gap bun hkat
KIA Masat (1) Dap Nawng Daju ginra hta March shata 15 ya shana maga daw hkying 1:40pm aten kaw nna, gumshem Myen hpyen dap ni hte KIA ni lahkawng maga sinat kaba ni hte gap bun hkat nga ai lam chye lu ai.
Masat (1) Dap Nawng Daju laknat kaba gap garum hpung ni kaw nna, gumshem Myen hpyen dap ni nga ai Kin Sa kawng hpe 100mm (1) lang gap bun ai hta hkying 1:50pm hte 2:30pm aten laman, Wa Byen Bum kaw dap jung nga ai gumshem Myen hpyen dap ni kaw nna, KIA ni nga ai U Hkai Hkyet post hpe 120mm hte (9) lang, Kin Sa Kawng shingdu kawn 60mm hte (15) lang gap bun ai lam nga ai.
Matut nna mung hkying 2:45pm hte 3:10pm aten laman, Kagam Bum kaw nga ai gumshem Myen hpyen dap ni kaw nna, KIA ni nga ai Sum Thing post hte Masat (1) Dap Nawng Daju lapran de 120mm hte (11) lang gap bun ai lam chye lu ai.
Masat (1) Dap Nawng Daju ginra hta gasat gala majan byin nga ai hta lahkawng maga sinat kaba ni hte gap bun hkat nga ai lam chye lu ai.
