Masat (3) Dap Dung ginra hta gasat gala majan matut byin

KIA Masat (5) Dap Ba, Masat (3) Dap Dung ginra hta July shata 12 ya shani hkying 1:00pm aten, KIA ni dap jung shara jahkrat nga ai Wa Shaga Bum post hta gumshem Myen hpyen dap ni hte KIA ni gasat gala majan byin ai lam chye lu ai.

Hk.M.Y (103, 319, 385) hpyen hpung ni hte Shwi Min P.T.Ts pawng hpawm hpyen hpung ni htu lung wa ai majaw, gasat gala majan byin wa ai lam shawng lam shi sawk ni kaw na chye lu ai.

Masat (3) Dap Dung ginra rai nga ai Wai Maw Hk.L.Y (58) dap kaw nna mung, July 12 ya shani hkying 9:50am laman Nang Zaw hpyen man maga de laknak kaba 120mm (4) lang gap bun nhtawm, hkying 10:45am aten hta kalang bai matut gap shadam ai lam chye lu ai.

Masat (3) Dap Dung ginra hta July shata 11 ya shani mung gasat gala majan byin ai rai nna, 12 ya shani bai matut byin ai lam chye lu ai.