Masat yan (1) Balik Du shabyin jawng yu hpawng galaw
Wunpawng Mungdan Shanglawt Asuya, Mungchying Uphkang Dap, Balik Makan Dap Ginjaw Rung kaw nna hpaw sharin ai, masat yan (1) balik du shabyin jawng yu hpawng hpe July shata 23 ya jahpawt hkying 9:00am aten, Myu Lawt Winli Gawknu kaw galaw la lu sai re.
Hpawng lamang hta Mungchying Uphkang Dap (DGA) Lithkam kaw nna, jawng yu sai jawngma ni hpe shatsam mungga jaw ai lam, magam aming hti ai lam, ja shakap shagrau ai lam, jawng yu lakmat shagrau jaw ai lam hte ningtawn ai jawngma ni hpe kumhpa shagrau ai lam ni hpe galaw ai re.
Balik du shabyin jawng hpe laiwa sai January shata kawn, jawnglung ladaw shata (6) masat let, hpaw sharin nga ai hta nanghpam lu sha njai lang ai ramma ni, asak 18 lahta na ramma ni hte yawm htum tsang (10) ngut da sai ramma ni hpe hkapla sharin ya nga ai lam chye lu ai.
Jawng yu sai jawngma yawng marai (69) nga ai hta la marai (64) num marai (5) rai nna, Magam Dap, Makan Dap hkan na saw shaga da ai magam gun ni, nawku hpung woi sara ni hte jawngma kanu kawa ni sa du shanglawm ai hte galaw ngut kre la lu sai rai nna, matut na mung balik du shabyin jawng hpe bai hpaw sa wa lam chye lu ai.
