Masat yan (1) Myihprap Wan wunkat yu hpawng galaw

Human Resource Development Program kata hpaw sharin ai, masat yan (1) Ningpawt Ninghpang Myihprap Wan wunkat yu hpawng hpe July shata praw 8 ya jahpawt hkying 10:00am aten hta Hparat Panglai Laika Dum, Laiza Muklum, Lawk (5) kaw galaw la lu sai re.

Hpawng hta Ningbaw Malai Du Kaba Sumlut Gun Maw kaw nna, shatsam mungga tsun ai hta “Dai ni jawng yu sai ni gaw matut na shakut sa wa ga, ndai hpaji hpe jai lang nna galaw sa wa ai bungli hta myit maju jung let kung kyang hkra, galaw sa wa ga, ndai hpaji hte kanbau bungli lu galaw ai madang de du hkra shakut sa wa ga” nga nna tsun ai.

Wunkat yu ai jawngma yawng marai 26 tup rai nna, ndai wunkat hpe lai wa sai May shata 25 ya shani kaw nna sharin hpang wa ai rai nhtawm, Electrical Basic Theory, Main Panel Installation, Electronic Basic Component, Wiring Installation, Load Calculation hte Service Cable Installation ginhpan ni hpe sharin ai lam chye lu ai.

Hpawng hta saw shaga da ai myitsu salang ni, hpung woi sara ni, sharin sara ni hte jawngma ni sa du shang lawm ai hte galaw la lu sai hpe chye lu ai.

၎

င

၎

၎