Masat yan (4) ningpawt ninghpang nam maling hte grup yin gawnhkang wunkat hpaw hpawng galaw
Masat yan (4) ningpawt ninghpang nam maling hte grup yin gawnhkang wunkat hpaw hpawng hpe November shata praw 1 ya jahpawt hkying 9:00am aten, nam maling hte grup yin gawnhkang wunkat jawng kaw galaw ai.
Dai ni hpaw hpang ai wunkat gaw shata (3) sharin na rai nna, ningpawt ninghpang hpaji tsang (8) du ga sai jawngma ni hpe hkap la sharin ya na re lam chye lu ai.
Hpaw a yaw shada lam hpe nam maling hte grup yin gawn hkang magam dap Amu Madu, Du Kaba Kumhtat Brang Seng tsun ai hta “Anhte a magam dap a magam bungli ni hpe grau dam lada tang du ai hku na galaw sa ga nga hte maren, anhte magam dap kaw gaw greng grak ai magam gun ni hpu awn kaw na lawu tsang du hkra ndai ni grai ra ai hku re, dai re majaw magam dap a ra nga ai magam gun masha shalat la ga ngu ai yaw shada ai lam re” nga nna Du Kaba tsun ai.
Moi nnan hkai rem hte nam maling pawng nna hpaw da ai shaloi gaw masat yan (1) nam maling wunkat ngu nna hpaw ai, dai hpe anhte sawn nna, anhte nam maling hte grup yin gawn hkang magam dap nga shaloi gaw masat yan (3) kaw ang ai hku re, raitim mung moi na hpe ma anhte la na dai ni na gaw masat yan (4) wunkat re nga nna Du Kaba matut tsun ai.
Nam maling hte grup yin gawn hkang magam dap a nam kawn du wunkat jawng hpe mung hpaw sharin nga ai rai nna, wunkat hpaw hpawng hta magam dap, makan dap hkan na magam gun ni hte hpung woi sara, mung shawa ni sa du shang lawm ai lam chye lu ai.
