Maw Mung mare makau na ga kaput si mat ai marai 30 daram kaw na marai 23 a moimang hpe mu tam
Hpakant, Maw Mung hte Hpa Pin mare lapran na ဧရာရတနာ Company ni a nhkun dingsa kaw July 24 ya shani ga gyi ru wa ai majaw, lungseng htu ai masha marai 30 daram kaput si mat ai kaw na marai 23 a moimang hpe mu tam la sai lam, buga na salang langai shana wa ai.
Ga gyi gaput lawm mat ai ni a mying jahpan lu hta ai gaw marai 27 re. July 29 ya shani du hkra rai yang marai 23 a moimang hpe mu sai, jahpan hku nga yang marai 4 a moimang naw ra ai, lu tam shaw la ai moimang ni hpe Hpa Pin lupding lupwa kaw makoi mayang galaw ai, nga nna salang wa tsun ai.
Si lawm mat sai marai 27 a nta masha ni hpe ကခ်င္ျပည္နယ္ လူမူ၀န္ထမ္းကယ္ဆယ္ေရး ႏွင့္ ျပန္လည္ေနရာခ်ထားေရး၀န္ၾကီး႒ာန hte ဧရာရတနာ Company ni pawng nna gumhpraw lap 600,000 ( Sen Kru ) hpra garum jaw ai, KIO nhprang rung kaw nna mung, marai 1 hpe lap, 185,000 ( Senmi Mun Matsat Hkying Manga ) hpra sa garum jaw ai lam na chye lu ai.
