Media training wunkat yu hpawng galaw
Wunpawng Mungdan Shanglawt Asuya, Shiga Magam Dap kaw nna hpaw sharin nga ai, masat yan (9) media training wunkat yu hpawng hpe November shata 13 ya shani, Shiga Magam Dap Ginjaw Rung kaw galaw la lu sai re.
Hpawng lamang hta Shiga Magam Dap Lithkam, Du Kaba Nhpang Naw Bu kaw nna, wunkat yu sai jawngma ni hpe shatsam n-gun jaw ga tsun ai hta
“Amyu mungdan a matu media hte gawng malai tai let myit maju jung, atsam dat shakut shaja sa wa ga, shiga hte amyu sha hpe kahkyin kumdin na, shiga hte amyu sha hpe makawp maga na, shiga hte amyu sha ni hpe hkye la na ngu ai lashum ga hte maren shakut shaja sa wa ga” nga nna tsun ai.
Matut nna training report tang madun ai lam, training yu jawngma ni hpe magam aming hti ndau ai lam ni galaw ai hpang, Shiga Magam Dap Lithkam kaw nna, media training yu sai jawngma ni hpe lekmat shagrau ai lam ni galaw ai hpe chye lu ai.
Wunkat hpe laiwa sai July shata kawn hpaw sharin wa ai rai nna, jawngma marai (12) sharin hkamla sai hta Basic Media, Basic Computer, Camera, KIO Asuya rung hpaw shabawn hkrang, Jinghpaw laika ka htung ka lai hte Ninggawn mungmasa lam yan ni hpe sharin ya ai lam chye lu ai.
