Miwa Gumsan Mungdan salang ni hte KIO Ginjaw salang ni hkrumzup hpawng galaw
Miwa Gumsan Mungdan, maigan kyit hkai magam dap Asia Pacific Special Envoy Mr. Sun Guo Xiang hte Yunnan Province Public Security Deputy Director Mr. Guo Bau hpung ni hte KIO Ginjaw salang ni January shata 11 ya shani hkying 12:30pm aten hta Padang hkrun lam majan masing woi awn rung kaw hkrum zup hpawng galaw ai lam chye lu ai.
Miwa Gumsan Mungdan na du sa wa ai asuya salang hpung ni hpe Laiza Muklum mungshawa ni hte magam gun ni hku nna wuwu didi hkap pang la ai.
Dai hkrumzup hpawng hta Miwa Gumsan Mungdan na asuya salang ni tsun ai hta, Myen Mung a simsa lam hte Miwa Mung a jarit mayan simsa lam hta n-gun dat bawngban na matu n-gun jaw tsun ai re lam chye lu ai.
KIO Tingnyang Up Du Kaba Nban La kaw nna mung ra ai lam ni hpe tang madun bawngban ai lam galaw ai. Dai hpang manhkrum lu sha jawm sha nna, shana daw hkying 5:50pm aten hta Miwa Gumsan Mungdan na salang hpung ni bai nhtang wa mat sai lam chye lu ai.
