Miwa Mung kaw na wa ai bungli galaw masha marai 100 jan hpe quarantine galaw

Miwa Gumsan Mungdan kaw bungli sa galaw nna tinang a buga Myitkyina de du shang wa ai mung shawa masha ni yawng marai 500 jan nga ai hta na, marai 100 jan hpe Myitkyina Du mare, tsi saranum magam gun ni nga ai shara kaw nhtoi 21 ya quarantine hku tawn da ai lam chye lu ai.

Quarantine tawn da hkrum ai mung masha ni hpe Kachin State Covid-19 Prevention Network ni hku nna, hkamja lam hte seng ai Sara ni nan sa yu sa sin let, tsi jep chyoi ya ai lam hte ana makawp maga tsi gap ya ai lam ni ding yang galaw nga ai rai nna, malu masha hpe gaw seng ang ai asuya ni kawn lit la lajang ya ai re lam, Kachin State Covid-19 Prevention Network kaw na tsun ahkang lu ai Sara Tsawm Naw tsun ai.

Kachin State Covid-19 Prevention Network Volunteer Group ni kaw nna, Myitkyina, Manmaw ginra ni hta Covid-19 ana makawp maga tsi gap ya ai lam ni ding yang galaw nga ai re hpe chye lu ai.

Miwa Gumsan Mungdan kaw bungli sa galaw ai Myen Mung masha ni hpe Miwa Asuya kaw nna, Loije shagyit kaw sa sa ai hta April shata 16 ya shani kaw nna, April shata 22 ya shani du hkra rai yang, Myen mung masha yawng marai 2000 jan du sai lam chye lu ai.