MMA ONE Championship Middleweight Ja shingkyit hpe Nsang Awng La makawp maga da lu
MMA ONE Championship Middleweight Ja shingkyit hpe madu da ai Nsang Awng La a shawng ningnan lang na Champion shingkyit makawp poi rai nga ai ONE: SPIRIT OF A WARRIOR ginsup lamang hpe Yangon Muklum Tuwana ginsup wang hta June 29 ya shana galaw ai lam chye lu ai.
Nsang Awng La hte Japan la Ken Hasegawa htawng shingjawng ginsup mat wa ai kaw Round ( 5 ) ngu na lang hta Nsang Awng La gaw Japan la Ken Hasegawa hpe htawng ginsup dang nna, Middleweight Champion Ja shingkyit hpe matut nna makawp maga da lu ai hpe chye lu ai.
Ya na zawn Champion Ja shingkyit ninggang naw makawp maga da lu ai Nsang Awng La hpe KIO Ginjaw Komiti kaw nna mung, shakawn shagrau laika shapraw ai hte rau gumhpaw lap, 20,000,000 ( Sen Lahkawng Tsa ) tup shagrau sha-a jaw dat ai lam chye lu ai.
