MNDAA ( Kokang ) hpyen hpung hte Myen Dapnu ( 99 ) kata na hpyen hpung ni gasat gala majan byin

Mungmyit Sinli Ga ( Kachin Sub-state ) KIA Dap Ba ( 10 ) Dap Dung ( 2 ) ginra, Mungji Ginwang, Nam Jarap Ginwang Daw, Hu Hin mare lahta Loi Wawng Bum makau kaw November shata 10 ya jahpawt hkying 9:30am aten hta Myen Dapnu ( 99 ) kata na hpyen n-gun ( 80 ) jan hte MNDAA ( Kokang ) hpyen hpung ni gasat gala majan byin ai lam, shawng lam shi sawk ni kawn chye lu ai.

Dai ni November shata 11 ya jahpawt hkying 7:10an aten hta mung, KIA Dap Dung ( 2 ) ginra, Man Na Hkyet kaw TNLA hpyen hpung hte Myen Dapnu ( 99 ) kata na hpyen hpung ni gasat gala majan byin ai lam chye lu ai.