Mung Gu ginra na gasat gala majan a majaw Mung shawa marai ( 20000 ) jan Miwa hkran de hpyen koi yen nga

Mung Gu ginra ni hta Myen hpyen hpung ni hte Rawt Malan Pawng hpawm hpyen hpung ni gasat gala majan

byin ai majaw Miwa hkran de hpyen koi yen nga ai Mung shawa marai ( 20000 ) jan du nga sai lam chye lu ai. Miwa Asuya kaw nna hpyen koi yen nga ai mung shawa ni hte  jahpawt shagu hkrum shaga, zuphpawng woi galaw ai lam chye lu ai.

Hpyen yen Mung shawa law malawng gaw Man Hai Malut jak rung hta shanu nga ai rai nna nkau mi gaw tinang a jinghku jingyu ni a dum nta, nawku jawng wang hkan shanu nga ai re lam, Miwa Asuya kaw na malu masha hte arung arai ni hpe dang dep ai daram garum jaw ya nga ai lam chye lu ai.