Mung Myit Sinli Ga hte Dap Dung ( 27 ) ginra hta gasat gala majan laja nga
November, 25 ya shani hta mung KIA Dap Ba ( 6 ) Dap Dung ( 36 ) ginra hta, Hpawng Seng de na Munggu de sa wa ai Hpaujung Pa mayan kaw jahpawt hkying 6:45am aten Myen hpyen dap Tatma ( 99 ) kata na hpyen hpung ni hte MNDAA ( Kugang )
hpyen hpung ni gasat gala majan byin ai lam chye lu ai.
Dai hpang Munggu Manjak, Hpawng Seng ginra ni de Myen hpyen dap a Helicopter, Jet nbungli ni shani hkying 11:00am aten kawn shana daw de du hkra shani tup wa gap gasat ai lam chye lu ai.
KIA Dap Ba ( 3 ) Dap Dung ( 27 ) ginra, Gawk Ngu Yang hte Nam Hka Bum mayan kaw shang wa ai Myen hpyen ni hte mung KIA hpyen hpung ni November, 25 ya jahpawt hkying 9:40am aten kaw laja lana gasat gala majan byin ai lam chye lu ai.
