Mung shawa ni nga ai shara de Myen hpyen dap ni laknak kaba gap bun

Lahta Sammung, Nam San ( နမ့္ဆန္ ) Muklum Myen hpyen dap kawn makau grup yin ပန္က်ေရာ၊ အာရမ္း၊ ပိန္းလံု၊ တာလတ္ mare ni hkan, Mung shawa ni bungli galaw ai shara ni de November, 8 ya jahpawt hkying 9:00am aten daram hta laknak kaba

gap bun ai lam chye lu ai.

Dai mare hta Balawng Amyu sha ni law malawng nga ai rai nna, Myen hpyen dap ni kawn shani shagu laknak kaba gap bun nga ai re lam, lai wa sai shata October, 30 ya shani mung Nam San Muklum, Hu Man mare kata de laknak kaba gap bun ai majaw Balawng Amyu sha ေလြးအီအြယ္ Asak ( 20 ) ning hte မိုင္းအိုက္မတ္ Asak ( 21 ) ning yan hkala hkrum ai lam chye lu ai.