Mungbaw Mankang mare dingsa makau kaw gasat gala majan byin
Mungmyit Sinli Ga (Kachin Sub-state), KIA Masat (6) Dap Ba, Masat (36) Dap Dung ginra, Mungbaw Mankang mare dingsa makau kaw January shata 29 ya shani hkying 11:30am aten kaw nna, gumshem Myen hpyen ni hte KIA ni gasat gala majan byin ai lam, shawng lam na lit nga ai salang langai shana wa ai.
Gasat poi byin ai shara gaw, Mungbaw Mankang mare dingsa makau kaw re. Ahte kaw na ni hkap taw nga ai kaw gale pru wa ai majaw, hkying shi langai chyen kaw na hkying shi langai minute manga shi masum du hkra gasat poi byin ai re lam, salang wa tsun ai.
Myen dap gaw Dapnu (Tatma 99) kata na Hk.M.Y (420) dap ni re. Hpyen n gun gaw 60 daram dang rai na re ngu maram ai, majan gaw naw matut byin wa mai ai nga nna, salang wa matut tsun ai.
Ndai gumshem Myen Hpyen Dap, Dapnu (99) kata na hpyen hpung ni KIA Masat (36) Dap Dung ginra de hpyen shamu shamwt shang wa ai majaw, January shata praw 2 ya shani kaw nna gasat gala majan matut manoi ngu na byin nga ai hpe mung chye lu ai.
