Munggu ginra masha pru shang Makan Dap hpaw hpawng galaw

Dingda Ginwang Ginjaw, Munggu Ginwang kata masha pru shang gawnhkang Makan Dap rung hpaw hpawng galaw la lu sai lam chye lu ai.

August shata praw (1) ya shani Munggu Ginwang kata masha pru shang gawnhkang Makan Dap hpaw hpawng galaw ai hta, Munggu kata kadai gaw madu, kadai gaw manam, kadai gaw rudi masha ngu ai ni hpe jen jep lu na matu, masha pru shang gawnhkang Makan Dap rung hpe hpaw ai re lam, Makan Dap gawnhkang Du, Du Jum Lasi Kum Awng tsun ai.

Matut nna Namhpakka Muklum kata hta mung, laiwa sai June shata (15) ya shani masha pru shang gawnhkang Makan Dap rung hpe hpaw la lu sai hta Munggu Ginwang, Kuthkai Ginwang kata na mungshawa ni hpe mung, mungchying masat galaw ya ai lam nga sai re hpe chye lu ai.