Munghkawng mare na Wunpawng ramma marai 2 hpe Myen hpyen hpung ni rim woi mat
Sinpraw Ginwang Ginjaw, KIA Dap Ba ( 3 ), Dap Dung ( 12 ) ginra, Nalai Gyi maga kawn Pang Sak mare kaw du nga ai, Hk.L.Y ( 236 ) Dap na Myen hpyen hpung ni, April praw, 2 laban
shana maga hkying 5:00pm aten hta Mung Hkawng mare na Wunpawng Ramma La marai 2 hpe rim woi mat ai lam na chye lu ai.
Rim woi hkrum mat ai yan gaw, Mung Hkawng mare lawk 2 na salang Uraw Tu a kasha, Uraw Tu asak 17 ning hte salang Tsumhka Brang Shawng a kasha, Tsumhka Myu San Awng asak 29 ning yan rai nna, Mung Hkawng mare shinggan sun sa lam kaw lam madun ngu rim woi hkrum ai lam, dai buga na salang langai tsun ai kawn chye lu ai.
Ndai Ramma La sha yan hpe ya du hkra, ndat ya shi ai lam, Myen hpyen hpung ni gaw, Hka Pra Yang mare grup yin hta shamu shamawt nga ai lam, buga masha ni tsun ai kawn chye lu ai.
