Mungkan Bawsang Ramma Masat Ninghtoi ( International Youth Day ) lamang galaw
Mungkan Bawsang Ramma Masat Ninghtoi ( International Youth Day ) hpe 2016 ning, August, 12 ya jahpawt hkying 10:00am aten kaw na shana daw hkying 5:00pm aten du hkra Laiza Muklum Manau Wang Gawknu hta galaw ai lam chye lu ai.
Dai hpawng hpe Laiza jarit mayan Ramma ni hte Laiza muklum Ramma ni a hkrum zup lu ai lamang langai rai lu na matu hte Dai ni na Myen Mungdan kata mung masa bawngban jahkrup ai lam a n-tsa Ramma ni chye ging chye mai ai
Mungkan Bawsang Ramma Masat Ninghtoi ( International Youth Day ) hpe 2016 ning, August, 12 ya jahpawt hkying 10:00am aten kaw na shana daw hkying 5:00pm aten du hkra Laiza Muklum Manau Wang Gawknu hta galaw ai lam chye lu ai.
Dai hpawng hpe Laiza jarit mayan Ramma ni hte Laiza muklum Ramma ni a hkrum zup lu ai lamang langai rai lu na matu hte Dai ni na Myen Mungdan kata mung masa bawngban jahkrup ai lam a n-tsa Ramma ni chye ging chye mai ai lam ni hpe chye lu na matu yaw shada let Laiza muklum Ramma Komiti ni kawn woi galaw ai re hpe chye lu ai.
Dai hpawng lamang hta San/Htai lamang hpe mung galaw ai lam chye lu ai. San/Htai lamang hta Ramma ni kawn dai ni na Mungmasa lam yan, Ramma hte seng ai lam, Ka-ni Nanghpam Pat Jasan masing hte seng ai lam ni san ai hpe Wunpawng Mungdan Shanglawt Hpung Ninggawn Amu madu Sara Kaba Kumhtat Hting Nan hte Wunpawng Mungdan Shanglawt Kongsi Amu madu Dukaba Lahpai Zau Raw yan htai sanglang dan ai lam chye lu ai.
Matut nna, Group hku Ga san, htai shingjawng ai lamang, Ginsup lamang ( Social game ), Mahkawn shangwi shapyaw ai lamang, dai ni du sa ai Ramma ni kaw na Kam kaja dik ( The luckiest person ) lata ai lam ni mung galaw ai hpe chye lu ai.
Ndai Hpawng lamang de Munglai Hkyet Ramma ni, Woi Chyai hte Woi Chyai IDP Camp Ramma ni, Mung Seng Yang Ramma ni, Ja Htu Kawng Ramma ni, Je Yang Ramma ni, Hpum Lum Yang Ramma ni, Laiza Ramma ni hte Magam Dap Makan Dap shagu na Ramma ni yawng marai ( 438 ) sa du shang lawm ai lam chye lu ai.
