Mungkan madang karate shing jawng poi hta Wunpawng ( Kachin ) Ma marai 3 Ja dazik hkam la lu

Japan Mungdan hta April shata 21 ya shani galaw ai Mungkan madang Internatoinal Karate Friendship 2019 Champion Karate shing jawng poi hta Wunpawng ( Kachin ) Ma marai 3 gaw Champion Ja dazik shagrau hkam la lu ai lam chye lu ai.

Ndai Karate shing jawng poi hta Myen Mungdan a gawng malai hku nna yawng marai 7 shanglawm shingjawng ai kaw Champion Ja dazik hpe hkamla lu ai ni gaw Myitkyina IDP camp na Shadang Maran Ja La, Shayi San Mai Nu hte Shadang Seng Lat Awng ni re.

Shadang Maran Ja La gaw lai wa sai 2018 ning hta Singapore Mungdan kaw Asia Mungdan 10 na Karate shingjawng poi hta mung Ja dazik hkam la lu ai wa re hpe chye lu ai.

Ndai Karate shingjawng poi de sa ai Ma ni hpe Shingni Nbat ni hku nna mung, ja gumhpraw ni hte shanglawm garum ya ai lam na chye lu ai.