Mungmasha langai bawm kabye kapaw nna tsi rung du
KIA Dap Ba ( 2 ) Dap Dung ( 14 ) ginra, Yuzana Company lam masat ( 39 ) kaw Myen hpyen dap Hk.L.Y ( 86 ) ni hkam tawn ai, bawm hpe August praw, 1 ya jahpawt hkying 6:00am aten hta Nawng Lung Kawng Ra mare na salang La Pyi ( လၿပည့္ ) kabye kapaw la ai lam na chye lu ai.
Dai salang wa gaw, Nga hkwi sa ai kaw kabye kapaw la ai rai nna, garep npu hte lagaw lahkawng maga hkala mat nna ya aten Danai tsi rung kaw tsi tsi hkamla nga ai lam, buga masha ni kawn chye lu ai.
