Mungmyit Sinli ramma ni hte seng ai ndau laika shapraw

Mungmyit Sinli Ramma Hpung kaw nna, Mungmyit Sinli Ga (Kachin Sub-state) ginra hta shanu nga ai, ramma ni hte seng nna ndau laika hpe July shata 25 ya shani shapraw da ai lam chye lu ai.

Mungmyit Sinli Ga (Kachin Sub-state) kaw shanu nga ai, ramma ni hta ya du nga ai mung masa, hpyen masa, ginra masa manawt amyu myu a marang e, tinang amyusha hpyen dap de nre ai sha anhte a amyusha mungmasa pandung nbung pre ai laknak lang wuhpung ni hta shanglawm gun hpai nga ai lam law law byin nga ai.

Dai majaw Mungmyit Sinli Ga (Kachin Sub-state) tat sum mat wa nga ai lamu ga ahkang aya, mung masa hte hpyen masa ahkang aya ni hpe bai gawgap shangang shakang la na magam bungli ni hta tinang amyusha wuhpung kaw shanglawm sa wa na matu lajin dat ai lam, ndau laika kaw na chye lu ai.

Mungmyit Sinli Ga (Kachin Sub-state) ginra gaw, Wunpawng amyusha ni a ginru ginsa, prat ban hte ban nga pra uphkang yu wa ai shadip jahpang lamu ga rai nga ai hte maren, matut shangang shakang makawp maga ai magam bungli ni hta Mungmyit Sinli Ga nga ai, Wunpawng ramma ni tinang a n-gun atsam, machye machyang ni hte lawan ladan shanglawm gawgap sa wa ra sai hpe myit dum let, shanglawm sa wa na matu yawng hpe lajin ai re lam chye lu ai.