Mungshawa marai ( 1 ) Bom kabye kapaw la
KIA Dap Ba ( 2 ) Dap Dung ( 14 ) ginra hta Tsan Pya mare na Slg. Ah Hpu Se Asak ( 36 ning ) gaw April praw, 10 ya shani hkying 1:30pm aten hta mare shingdu Nam Sam Hka maga de mahkam sa gawn ai kaw Myen hpyen hpung ni hkam tawn ai Bom ngu maram lu ai Bom ( 1 ) kabye kapaw hkala hkrum ai lam na chye lu ai.
Lagaw lahpan hte Magyi hkan hkala ai majaw ya aten Tsan Pya tsi rung kaw tsi tsi hkam la nga ai lam chye lu ai.
Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 9 ) ginra kaw mung April praw, 10 ya jahpawt hkying 7:33am aten hta Bang Gai Ja Maw kaw du nga ai Myen hpyen dap Dapnu ( 11 ) kata na hpyen hpung ni kawn lai wa lai sa Mungshawa ni hpe lak lai sawk jep nga ai lam shawng lam shi sawk ni kawn chye lu ai.
