Mya Le mare na mungmasha ni a, arung arai hpe gumshem Myen hpyen dap ni mya zing la

Mandalay maga na Mali hka hku lung wa ai sanghpaw 9 hpung ni hpe Shimlam la ya ai gumshem Myen hpyen dap ni gaw, August shata 18 ya shani kaw nna, Mya Le mare hta masha nnga ai mungmasha ni a, dum nta na arung arai ni hpe jahten mya zing la kau ya ai lam chye lu ai.

Ndai gumshem Myen hpye ni gaw, masha nnga ai nta ni hpe zaw adup jahten kau nna manu dan ai arung arai ni zingla kau ya ai lam, U ni rim sat sha kau ya ai hte hpun pyen ni mung yawng zing la kau ya ai, masha nga taw ai nta hpe gaw hpa galaw ai lam nnga tim, phone ni zing kau ai lam ni galaw ai re lam, ginra masha ni tsun ai kaw na chye lu ai.

August shata 19 ya shani hta mung, Mya Le KBC nawku jawng makau na nta 3 hpe Myen hpyen ni wan nat jahten kau ya ai sha n-ga, nbungli bawm jahkrat bun, laknak kaba ni gap bun ai majaw gat makau na nta 2 mung htenza mat ai lam na chye lu ai.

Gumshem Myen hpyen ni a, hpyen lang arung arai hte malu masha htaw ai sanghpaw 5 gaw, August shata 19 ya shana maga hkying 5:00pm aten daram hta Manmaw sanghpaw daru kaw du shang nga sai rai nna, dai arung arai ni hpe htawk la na matu mungmasha waja wangan ni hpe rim lahkawn la ai lam, ginra masha ni tsun ai.

Ndai gumshem Myen hpyen ni a, hpyen lang arung arai machyu pala hte malu masha htaw ai sanghpaw hpung ni hpe, lam lapran e, KIA hte PDF pawng hpawm hpyen hpung ni hkap shingla gasat ai lam mung galaw lai sai re.

Ya aten Manmaw Muklum kata, shimlam la nga ai gumshem Myen hpyen ni gaw, dai ni August shata 20 ya shani hta lai wa lai sai mungshawa ni a, cycle hpe rim ai sha n-ga, phone ni hpe mung laja lana sawk jep nga ai majaw, shinggan pru hkawm ai mungmasha ni nnga ai daram rai nna, gasat galamajan laja lana byin wa na hpe hkrit tsang nga ai lam, Manmaw buga masha ni tsun ai kaw na chye lu ai.

၎

င

၎

၎