Myen Asuya ni kawn Hkai rem hte seng nna hkaw tsun hpawng galaw

Manje ninghtawn, Gawng Run mare kaw January 28 ya shani, Man Je mare na Myen Asuya Hkai Rem Du U Ko Ko woi awn nna, Hkai Rem hte seng ai hkaw tsun hpawng galaw ai lam na chye lu ai.

Hkaw tsun hpawng hta hkai lu hkai sha lam, nam kawn ni hte gara hku garan ging hka hkat ra ai lam, buga masha ni hpa mai hkai sha ai tinang a myit ra ai hku hkai sha mai ai lam, yi hkyen ai rai yang gara hku galaw ra na lam, ပံုစံ၂၀ ngu ai gaw, kaning re hpe jaw mai ai ngu ai lam ni hpe sang lang dan ai, nga nna Manje buga na Salang langai shana wa ai.

Ya na zawn hkaw tsun, sang lang ai hpawng hpe shaning shagu galaw ding yang raitim, mare masha ni gaw ta tut galaw wa ai lam nnga shi ai. Hkaw tsun hpawng hta mare myitsu kanu kawa marai latsa jan sa du shang lawm ai lam chye lu ai.