Myen asuya ni kawn hpyen yen mungshawa ni hpe tinang a nta buga de wa na matu laika bang shangun
Myitkyina Muklum, Ziun hpyen yen dabang kaw nga ai mungshawa ni hpe February shata 8 ya shana daw hkying 2:00pm aten daram hta Myen asuya Salang ni kawn hpyen yen mungshawa ni hpe tinang a nta buga de wa na hte seng nna laika form sa jaw ka mara shangun ai lam chye lu ai.
“Mana de hkying 2 rai ndu yang lawk Salang ni laika sa jaw da ai, dai laika kaw အိမ္ေထာင္စု kade nga ai, kade gaw wa na myit lawm ai, kade gaw naw nga na kaw myit lawm ai, naw nga nga na ni hpe gaw gara kaw tawn da na myit mada ai nga ai ni lawm ai, dai majaw anhte gaw lahkawng maga simsa lam sha nlu yang n wa na ga ai ngu မွတ္ခ်က္ kaw ka mara dat ai” nga nna Zilun camp lit hkam Saranum Sumlut Lu San tsun ai.
Lai wa sai February 5 ya shani hta Myitkyina Muklum မလိခရိပ္သာ kaw makam masham hpung woi Sara ni hte Myen hpyen dap a, dap awn daju Min Aung Hlaing hpung ni mung, tengman simsa ngwi pyaw ai hte tinang a mare buga de lawan wa lu na matu bawngban jahkrup ai lam galaw ai re.
Myitkyina, Ziun hpyen yen dabang hta nga ai hpyen yen mungshawa masha yawng marai 705 tup rai nna, mare kahtawng 19 kaw na mungshawa ni shanu machyu nga ai re hpe chye lu ai.
