Myen Dapnu 99 kata na hpyen hpung ni hte KIA Dap Dung 36 hpyen hpung ni gasat gala majan matut byin

Mungmyit Sinli Ga ( Kachin Sub-state ) KIA Dap Ba 6 Dap Dung 36 hpyen hpung ni Headquarter jung ai Howa mare dingsa grup yin kaw April shata 23 ya shani 11:20am aten hta Myen Dapnu 99 kata na hpyen n gun 100 daram hte KIA Dap Dung 36 hpyen hpung ni gasat gala majan matut byin ai lam chye lu ai.

Dai ni shani ka-ang hkying 12:46pm aten hta Munggu mare kawn yu wa ai Myen hpyen mawdaw 15 hpung ni hpe KIA hpyen hpung ni Nam Pa Tek kaw bawm 1 hte hkap kapaw bun ai. Dai hpang hkying 1:00pm aten hta Namtau mare makau kaw bawm 2 hte bai hkap kapaw bun ai lam, shawng lam shi sawk ni kawn chye lu ai.