Myen hpyen dap hte Pyi Tu Tsit ( P.T.Ts ) ni mara kata mungmasha marai ( 2 ) hpe rim woi mat wa

KIA Dap Ba ( 9 ) Dap Dung ( 6 ) ginra hta shamu shamawt nga ai Myen Hpyen Dapnu ( 33 ) kata na hpyen hpung hte Sam Hkyeng Pyi Tu Tsit ( P.T.Ts ) pawng hpawm hpyen hpung ni gaw, September praw 5 ya jahpawt hkying 3:00am aten hta Chyahkrau loiseng buga na salang Lahpraw Hkawng Dau hte Kahtan Yang mare na salang La Sam yan hpe mara kata rim woi mat ai lam na chye lu ai.

Ndai salang yan hpe dat ya ai lam nnga shi ai majaw, mare uphkang salang ni hku nna Kamaing Pyada dap de, masha mat ai lam shawk da sai lam, Kamai mare na mying ntsun dan ai salang langai shana wa ai.