Myen hpyen dap kawn mare salang ni hpe shaga la nna, Pyi Tu Tsit ( P.T.Ts ) n galaw nmai ngu tsun shadut
KIA Dap Ba ( 5 ), Dap Dung ( 18 ) uphkang ginra, Nyawng Pin Tar mare hte Tahpan Pin mare grup yin hkan na mare salang ni hpe Myen hpyen dap Hk.L.Y ( 236 ) ni shaga la nna, May
praw 9 ya shani hkying 1:00am aten kawn hkying 11:00am aten laman zuphpawng woi galaw ai lam na chye lu ai.
Dai zuphpawng hta mare kahtawng langai na, marai 5 Pyi Tu Tsit hpyenla n-galaw nmai ngu tsun ai lam, buga masha ni tsun ai kawn na chye lu ai.
Mungmyit Sinli Ga ( Kachin Sub-State ) KIA Dap Ba ( 4 ), Dap Dung ( 34 ) ginra hta mung, Man Yin mare kaw nga ai Man Bang P.T.Ts na Du Mun Oo woi awn hpung ni Y.M.Hk a matsun re ngu, Man Bang, Nam Bawng, Pin Nyawng, Na Nan, Mung Bai, Hu Na, Kung Sar, Ban Hung mare hkan na mungshawa marai 200 jan hpe P.T.Ts galaw na matu mying jahpan hte masha wa lahkawn hkawm ai lam chye lu ai.
Dai masha mying jahpan hta hpungkyi ကိုရင္ hte Asak 50 ning, 60 ning jan re ni a mying jahpan mung lawm ai lam na chye lu ai.
