Myen hpyen dap ni hkam tawn ai Bom Mungmasha marai ( 1 ) kabye kapaw la
February, 28 ya shani hkying 1:30pm aten hta Jahtu Zup mare R.C.M hte K.B.C Kyu Hpyi Bum lapran kaw Myen hpyen dap Hk.L.Y ( 297 ) ni hkam tawn ai Bom ( 1 ) hpe Jahtu Zup mare na Shy. Dingring Seng Mai Asak ( 24 ning ) gaw shat mai tam sa ai kaw sa gabye kapaw la ai lam na chye lu ai.
Bom kabye kapaw la ai majaw Pai lagaw lahput lawu daw di mat nna ya aten Myitkyina tsi rung kaw ga lajang tsi tsi hkam la nga ai re lam Sara langai tsun wa ai kawn chye lu ai.
