Myen hpyen dap ni, Ja htu sha ai lauban ni hpe zuphpawng woi galaw

KIA Dap Ba ( 2 ) ginra, Sumbwi Yang mare hta February praw 9 ya shani Myen hpyen dap, Hk.L.Y ( 126 ) dap ni gaw, Ja htu sha ai lauban marai 20 jan hpe zuphpawng woi galaw ai lam, buga na salang langai shana wa ai kawn chye lu ai.

Dai zuphpawng kaw Myen hpyen dap ni tsun ai hta, Ja htu jak site kaji langai hta 35,000 ( mun masum hkying manga ), Jak site kaba gaw, 50,000 ( Mun manga ), kaw nna, 90,000 ( Mun jahku ), 150,000 ( sen mi mun manga ) du hkra masat ai, shata mi hta kalang ahkun bang ra na, ngu tsun ai lam salang wa tsun ai.

Sumbwi Yang, Dawa hka ja maw kaw ja htu sha nga ai lauban ni hpe, ndai February shata 25 ya shani ahkun bang ai hpe hpang jahtum masat tawn ai lam chye lu ai.