Myen hpyen dap ni Jet Nbungli ( 1 ) hte KIA shawng lam post de Bom sa jahkrat bun
KIA Dap Ba ( 2 ) Dap Dung ( 14 ) ginra, Nam Gawm Zup lahta I-Di Hka mazup kaw January 27 ya jahpawt hkying 9:45am aten, KIA hpyen hpung ni hte Myen hpyen hpung ni gasat gala majan byin ai lam chye lu ai.
Li Du lam hku pyen lung wa ai Jet Nbungli ( 1 ) gaw shani hkying 2:30pm aten KIA shawng lam, Nawng Nyang Post maga de Bom ( 2 ) sa jahkrat bun ai.
Shani hkying 2:25pm hte hkying 5:00pm aten laman hta mung, Lapu Hka Hpyen man maga de Myen hpyen hpung ni htu shadut lung wa ai majaw KIA hpyen hpung ni hte gasat majan byin ai.
Shana daw hkying 3:30am aten hte hkying 5:30pm aten hta mung N-Ga Ga mare kawn shamu shamawt lung wa ai Myen hpyen n-gun ( 200 ) daram hte KIA hpyen hpung ni Chyamsam Hka Mahkrai kaw gasat majan byin ai, hkying 5:45pm aten hta gasat majan byin ai shara de Myen hpyen hpung ni kawn, Sinat kaba hte ( 6 ) lang gap bun ai lam shawng lam shi sawk ni kaw na chye lu ai.
